Elijona ka bërë një deklaratë të qartë duke konfirmuar përfundimin e lidhjes me Klodin, duke i dhënë fund kështu spekulimeve të shumta që kanë qarkulluar në rrjetet sociale.
Pas disa ditësh ku ndjekësit kanë vënë re shenja të ndryshme, si heqja nga lista e miqve në Instagram dhe fshirja e fotografive të përbashkëta, Elijona ka vendosur të bëjë publike ndarjen.
Ajo ka theksuar se arsyeja kryesore e këtij vendimi nuk do të bëhet publike, duke kërkuar respektimin e privatësisë së saj dhe të ish-partnerit.
“Nuk dua që lidhja ime të jetë temë e lajmeve apo e pyetjeve. Prandaj, doja ta bëja publike se unë dhe Klodi tashmë nuk jemi më në lidhje,” ka shkruar ajo në postimin e saj.
Elijona ka shtuar se nuk do të flasë keq për Klodin dhe se ndarja nuk do të shndërrohet në një debat publik. Ajo ka theksuar se “ndonjëherë dy njerëz zgjedhin të vazhdojnë rrugët e tyre veçmas, edhe kur dikur kanë ndarë shumë bashkë”.
Me këtë deklaratë, ajo ka konfirmuar se vendimi është i përbashkët dhe ka shprehur mirënjohje për mbështetjen e ndjekësve. Ndërkohë, spekulimet për tradhti mbeten të pa konfirmuara, pasi Elijona ka zgjedhur të ruajë qetësinë dhe privatësinë.
