Elijona Binakaj, ish-banorja e Big Brother VIP Kosova, ka ndarë sot një dedikim tepër emocional për motrën e saj të ndjerë, Lindushen, e cila sot do të festonte 24-vjetorin e lindjes.
Tragjedia që goditi familjen Binakaj mori jetën e nënës dhe motrës së Elijonës në një aksident të rëndë automobilistik teksa udhëtonin drejt Kosovës. Në këtë ditë të shënuar, Elijona zgjodhi të ndajë me publikun një fotografi të përbashkët bardh e zi me motrën e saj.
“Deri të takohemi sërish, do të të mbaj gjithmonë në zemër. Urime ditëlindjen në parajsë, Lindushe. Përgjithmonë do të dua, përgjithmonë do të më mungosh”, shkroi Elijona në dedikimin e saj, duke shprehur dhimbjen dhe dashurinë e pashuar për motrën e humbur.
Ngjarja tragjike ka prekur thellësisht opinionin publik, teksa Elijona ka qenë e hapur lidhur me humbjen e dyfishtë që i ka ndodhur familjes.
