Ish-banorja e formatit televiziv “Big Brother VIP”, Efi Dhedhes, ka shprehur shqetësim të thellë dhe emocional lidhur me gjendjen e zonës së mbrojtur Vjosa-Narta. Gjatë një reagimi të fortë publikuar në rrjetet sociale, Dhedhes ka nxjerrë lotët teksa ka folur për dëmet që, sipas saj, po i shkaktohen këtij ekosistemi të veçantë.
Efi ka treguar se, duke u përpjekur të distancohet nga rrjetet sociale, nuk ishte në dijeni të zhvillimeve të fundit në Vjosa-Nartë. Megjithatë, sapo u informua, ajo u shokua nga mënyra se si po trajtohet mjedisi. “Me dhemb shpirti kur shoh sesi njeriu po shkatërron me duart e veta shtëpinë e tij”, ka shkruar ajo, duke theksuar se dhimbja e saj është e madhe.
Ajo ka vënë në dukje se dëmi mjedisor nuk kufizohet vetëm në Shqipëri, por ka pasoja globale. Dhedhes ka kujtuar rëndësinë jetike të natyrës, duke nënvizuar se oksigjeni dhe toka janë elementë bazë për mbijetesën njerëzore. Mes lotësh, ajo ka shprehur zhgënjim për raportin e njerëzve me natyrën, duke krahasuar harmoninë e kafshëve me habitatet e tyre me sjelljen shkatërruese të njerëzve.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Ky reagim i Efi Dhedhes vjen në një kohë kur debati për Lagunën e Vjosa-Nartës është rikthyer në qendër të vëmendjes. Aktivistët mjedisorë dhe organizatat joqeveritare kanë paralajmëruar prej kohësh për rreziqet që sjellin projektet infrastrukturore dhe ndërtimet në këtë zonë me rëndësi të madhe ekologjike. Vjosa-Narta, e njohur si një nga ekosistemet më të rëndësishme në Shqipëri dhe strehë për qindra specie shpendësh, përfshirë flamingot dhe pelikanët, rrezikohet nga ndërhyrjet që mund të kenë pasoja afatgjata për biodiversitetin dhe ekuilibrin natyror.
