Një mosmarrëveshje ligjore e ndërlikuar është duke u zhvilluar mes këngëtares së famshme shqiptare, Dua Lipa, dhe gjigantit të teknologjisë, Samsung. Këngëtarja ka ngritur një padi prej 15 milionë dollarësh kundër kompanisë, duke pretenduar përdorim të paautorizuar të imazhit të saj në materialet promovuese të produkteve.
Avokatët e Samsung kanë kërkuar nga gjykata federale në Kaliforni që të rrëzojë padinë, duke argumentuar se Dua Lipa nuk ka bazë ligjore të fortë. Ata pretendojnë se fotografitë e këngëtares, të shfaqura në paketimin e disa televizioneve Samsung, shërbenin thjesht për të ilustruar ndërfaqen e pajisjeve dhe përmbajtjen e disponueshme, duke përfshirë kanalin Xite Hits dhe shërbimin Samsung TV Plus. Në këto materiale shfaqen gjithashtu logot e MLB, Fox Sports dhe serialit “The First 48”.
Samsung ka deklaruar se ka marrë ‘siguri të qartë’ nga një nga partnerët e tyre të përmbajtjes se leja për përdorimin e imazhit të Dua Lipës ishte siguruar. Sipas kompanisë, fotografia ishte siguruar nga një partner dhe u përdor vetëm pasi u konfirmua se lejet përkatëse, përfshirë përdorimin në kutitë e produkteve, ishin marrë.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Padia, e dorëzuar në maj, akuzon Samsung për shkelje të drejtave të autorit, markës tregtare dhe të drejtës së publicitetit. Ekipi ligjor i Dua Lipës pretendon se imazhi i saj është përdorur për qëllime komerciale pa pëlqimin e saj, madje edhe pas kërkesave për ndalimin e përdorimit. Samsung, nga ana tjetër, insiston se nuk ka pasur asnjë mbështetje apo promovim të drejtpërdrejtë të produkteve të tyre nga ana e këngëtares dhe kërkon hedhjen poshtë të plotë të padisë.
