Këngëtari i njohur, Drilon Jahdahuti, ka bërë një deklaratë të fortë në lidhje me përvojat e tij të vështira me bullizmin, duke e lidhur këtë me banoren e Big Brother VIP Kosova 5, Jona Krasniqin.
Me anë të një postimi në Instagram, ai ka ndarë një histori të dhimbshme nga e kaluara, ku pretendon se përballë Jona dhe disa vajzave të tjera ka përjetuar bullizëm rreth gjashtë apo shtatë vjet më parë.
Driloni ka shprehur se në atë periudhë ishte kritikuar dhe ofenduar për këngën e tij “Reja e nanës tem”, duke theksuar se grupi i vajzave kishte ndikuar në mbylljen e llogarisë së tij në Instagram përmes raportimeve të vazhdueshme.
“Le që u kallxu bullizuese sot live në TV, po qikjo qike me qat grup s’ka lon gjo pa than për kangën tem”, ka shkruar ai, duke shprehur indinjatën e tij për situatën.
Ai gjithashtu ka rikujtuar se kënga e tij ka arritur afro nëntë milionë klikime, duke e bërë atë një sukses të madh, pavarësisht pengesave që ka hasur në fillim.
Reagimi i tij ka shkaktuar një valë diskutimesh në rrjetet sociale, duke nxitur komente të ndryshme nga ndjekësit e tij.
Ndërkohë, përveç kësaj ngjarjeje, Driloni ka një lajm të ri në muzikë, pasi ka publikuar një bashkëpunim me këngëtaren Beslira, të titulluar “Dy xheloza”.
Ky bashkëpunim pritet të jetë një tjetër hap i rëndësishëm në karrierën e tij, duke e mbajtur atë në qendër të vëmendjes së publikut.
