Reperi i njohur botëror, Drake, ka rikthyer vëmendjen e publikut dhe mediave rozë me veprimet e tij të papritura gjatë një eventi online të takimeve. Në një transmetim të drejtpërdrejtë, Drake u angazhua në një bisedë me sfiduese me streamer-en e njohur me stilin ‘goth’, Pinkchyu. Sfida më e çuditshme erdhi kur Pinkchyu e pyeti reperin nëse do të lehëte si qen për të. Pa hezitim dhe duke lënë të habitur mijëra shikues, Drake pranoi sfidën duke imituar lehjen e një qeni, gjest ky që u kthye menjëherë në viralitet dhe shkaktoi humor në mesin e audiencës.
Ky moment i pazakontë nuk ishte i vetmi surprizë i mbrëmjes. Drake zgjodhi Pinkchyu-n si fituese mes tre konkurrenteve, duke i dhënë asaj prioritet për një takim të mundshëm. Për më tepër, reperi i ofroi streamer-es t’i blinte çdo gjë që ajo dëshironte, duke treguar një bujari të rrallë. Kur Pinkchyu e pyeti nëse do t’i blinte një shtëpi nënës së saj, Drake u përgjigj pozitivisht, duke theksuar kështu anën e tij fisnike.
Pas përfundimit të eventit, Pinkchyu ndau përvojën e saj në platformën X (ish-Twitter), duke u prezantuar si ‘goth baddie’ e mbrëmjes. Ky episod ka gjeneruar një mori diskutimesh dhe komentesh në rrjetet sociale, duke e kthyer Drake në qendër të vëmendjes dhe duke i shtuar repertorit të tij histori tërheqëse nga jeta publike.
