Deshqiptarizimi në Maqedoninë e Veriut: Shqiptarët Shkarkohen nga Pozitat Kyçe në Qeveri

Nisje fort e keqe në Maqedoninë e Veriut: sinjale për deshqiptarizimin e institucioneve!

1. Së pari, një shqiptar u zëvendësua nga punëtori i Vulinit të Serbisë, Ivan Stoilkoviq, në detyrën e Zv/Kryeministrit dhe Ministrit përgjegjës për çështjet ndër-etnike! Pra, edhe për Marrëveshjen e Ohrit do të “kujdeset” puthadori i Vulinit!!! Ky ishte lajm jashtëzakonisht i keq. Për më keq, ky mori edhe votat e deputetëve shqiptarë “reformistë”!
2. Së dyti, vendimet e menjëhershme për emërime në institucione të sigurisë, pa shqiptarë! Derisa Serbia po ia fshin adresat e banimit shqiptarëve në Luginë të Preshevës, struktura e re qeverisëse “reformatore” në Maqedoninë e Veriut po merr vendime që fshijnë shqiptarët nga detyrat vendimmarrëse!

Interesimin për shqiptarët në Maqedoninë e Veriut duhet ta kemi tash, jo në zgjedhje! Sepse, zgjedhjet janë çështje e garës politike të tyre, ndërsa të drejtat themelore të shqiptarëve atje e tejkalojnë garën. Janë çështje e interesit të përbashkët dhe sigurisë e stabilitetit rajonal.

Këtë tekst e ka shkruar Burim Ramadani në Facebook.