Një grup anëtarësh të NATO-s të udhëhequr nga SHBA-ja dhe Gjermania hezitojnë t’i bëjnë një ftesë Ukrainës për t’u bashkuar me bllokun ushtarak në të ardhmen e afërt, raportoi Politico të mërkurën.
Javën e kaluar, presidenti ukrainas Zelensky prezantoi ‘planin e tij të fitores’, i cili përfshinte një kërkesë për anëtarësim të menjëhershëm në NATO. Megjithatë, katër zyrtarë të paidentifikuar të SHBA-së dhe NATO-s thuhet se i kanë thënë Politico-s se Berlini dhe Uashingtoni po “shqyrtojnë ngadalë” kërkesën, duke shtuar se “anëtarët kryesorë të aleancës janë të shqetësuar se mos futen në grackë në një luftë me Rusinë”.
Ambasadorja e SHBA në NATO, Julianne Smith i tha Politico-s se blloku “deri më sot nuk ka arritur në pikën ku është i përgatitur të ofrojë anëtarësim ose një ftesë për Ukrainën”. Kancelari gjerman Olaf Scholz tha më herët se ishte detyra e tij të parandalonte që konflikti i Ukrainës të shndërrohej në një luftë të gjerë midis Rusisë dhe NATO-s, duke shtuar se Kievi do të bëhej pjesë e bllokut vetëm kur të përmbushen disa kushte.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Hungaria dhe Sllovakia – të cilat kanë qenë kritike ndaj qasjes perëndimore ndaj konfliktit të Ukrainës dhe kanë këmbëngulur për një armëpushim të menjëhershëm – janë dy pengesa të tjera. Politico i përshkroi liderët e tyre se ndiqnin “një linjë përgjithësisht pro-Kremlinit”.
Kryeministri hungarez Viktor Orban e quajti planin e Zelenskyt krejtësisht “të tmerrshëm”, ndërsa homologu i tij sllovak Robert Fico paralajmëroi se pranimi i Ukrainës në NATO mund të çojë në Luftën e Tretë Botërore.
Për më tepër, një zyrtar i NATO-s i tha Politico-s se “vende si Belgjika, Sllovenia apo Spanja fshihen pas SHBA-së dhe Gjermanisë” kur bëhet fjalë për çështjen e anëtarësimit të Ukrainës, duke i përshkruar ato si “ngurrues”.
