Selin Bollati dhe DJ Gimbo, një nga çiftet më të njohura të showbizit shqiptar, vazhdojnë të befasojnë ndjekësit me momente të veçanta nga jeta e tyre e përditshme.
Këtë herë, fituesja e “Big Brother VIP Albania 5” ka ndarë një fotografi në Instagram, ku Gimbo shfaqet i buzëqeshur pranë një frigoriferi të mbushur me pije, duke sugjeruar se ata po përgatiten për një festë në shtëpi.
“Mund ta kuptosh që po bëjmë një festë në shtëpi”, ka shkruar Selin në postimin e saj, duke e shoqëruar me emoji që shprehin humor dhe gëzim.
Megjithatë, ajo ka mbajtur mister rreth detajeve të tjera, si për shembull, kush do të jetë në mesin e të ftuarve për këtë ngjarje festive.
Historia e dashurisë mes Selinës dhe Gimbos ka filluar gjatë qëndrimit të tyre në “Big Brother VIP Albania 5” dhe ka vazhduar me intensitet edhe pas përfundimit të spektaklit, duke krijuar një lidhje të fortë mes tyre.
Çifti ka filluar bashkëjetesën dhe ndajnë kohën mes Shqipërisë dhe Kosovës, duke publikuar herë pas here momente të veçanta nga jeta e tyre e përbashkët.
Së fundmi, Selin ka nxitur kureshtjen e ndjekësve me disa deklarata rreth një dasme të mundshme me Gimbon, duke lënë të kuptohet se data do të jetë më 5, por pa zbuluar as muajin dhe as vitin e saktë.
Çfarë do të ndodhë pas kësaj feste? Lexuesit mbeten në pritje për më shumë detaje nga ky çift i njohur.
