Moderatorja e njohur Bora Zemani ka përjetuar një rënie drastike të numrit të ndjekësve në rrjetet sociale, duke humbur mbi 16 mijë të tillë, si pasojë e reagimit të vonuar lidhur me protestat kundër projektit të Ivanka Trump në Zvërnec dhe Sazan.
Fillimisht, heshtja e Zemani-t ndaj kësaj çështjeje sensitive, e cila ngriti shqetësime të shumta te qytetarët dhe aktivistët për pasuritë natyrore dhe kombëtare, ka nxitur një valë pakënaqësie në opinionin publik. Pas kërkesave të shumta që figurat publike të shpreheshin, mosveprimi i menjëhershëm i moderatores ka sjellë një reagim të ashpër.
Edhe pse më vonë Zemani u shpreh për nevojën e transparencës dhe zhvillimit të qëndrueshëm që respekton identitetin dhe historinë, ky qëndrim duket se ka ardhur tepër vonë për një pjesë të konsiderueshme të publikut. Kjo u reflektua drejtpërdrejt në profilin e saj, ku numri i ndjekësve pësoi një rënie të theksuar, duke treguar revoltën virtuale të fansave ndaj asaj që ata e konsideruan indiferencë fillestare.
