Bashkëshortja e reperit të njohur MC Kresha, Erzina, ka qenë e ftuar në emisionin ‘Goca dhe Gra’, ku ka ndarë mendimet e saj rreth një teme që shpesh ngre pesha në shoqërinë shqiptare: mundësia e ruajtjes së miqësisë me ish-partnerët.
Në një diskutim me temën ‘Vajzat shqiptare nuk rrinë miq me ish-të dashurit’, Erzina ka qenë e qartë në qëndrimin e saj. Ajo theksoi se në rastet kur një çift ndahet dhe nuk ka fëmijë të përbashkët, nuk ka arsye reale për të ruajtur një miqësi të ngushtë. Sipas saj, respekti mund të ekzistojë dhe një përshëndetje e rastësishme është normale, por komunikimet e vazhdueshme si ‘si je’ apo ‘çfarë po bën’ nuk janë të nevojshme pasi lidhja ka përfunduar.
Megjithatë, Erzina bëri një dallim të rëndësishëm: kur ka fëmijë, komunikimi mes ish-partnerëve bëhet i domosdoshëm për shkak të përgjegjësive prindërore.
Këndvështrimit të Erzinës iu bashkua edhe këngëtarja Rozana Radi, e cila shtoi se pavarësisht përpjekjeve për të qenë modernë, një histori e mbyllur ka arsye të forta për të qenë e tillë. Rozana ngriti gjithashtu pikëpyetjen se pse dikush do të kërkonte ende këshilla nga një ish-partner pasi lidhja ka marrë fund dhe secili ka vazhduar jetën.
Rozana Radi vlerësoi praninë e Erzinës në studio, duke e cilësuar atë ‘një zonjë të nderuar’.
