Një përplasje e fortë verbale ka shpërthyer mes Atletico Madridit dhe Barcelonës, pas deklaratave të presidentit të klubit katalanas, Joan Laporta, lidhur me sulmuesin Julian Alvarez.
Laporta ka deklaruar publikisht se oferta e Barcelonës për Alvarez është ende e vlefshme, duke lënë të kuptohet se Atletico Madridi dëshiron ta shesë lojtarin. “Kemi marrë informacion se Atlético Madrid dëshiron të shesë Julian Alvarez. Pra, oferta jonë është ende në tryezë deri në fund të afatit kalimtar. Ne jemi gati ta nënshkruajmë atë dhe duam që Atlético Madrid ta dijë këtë,” ishin fjalët e Laportës.
Ky deklarim ka ngjallur një reagim të menjëhershëm dhe të ashpër nga klubi madrilen. Përmes një komunikate zyrtare, Atletico Madridi ka mohuar fuqishëm mundësinë e shitjes së Alvarez te Barcelona, duke theksuar se çështja nuk ka të bëjë me para, por me dinjitetin e klubit.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
“Barcelona na ka dëmtuar ekonomikisht dhe shoqërisht. Ka 0% shanse që ne ta shesim Julian Alvarez te Barça. Nuk ka të bëjë me paratë. Ka të bëjë me dinjitetin,” thuhet në reagimin e Atletico Madridit. Klubi madrilen ka shtuar se po zhvillohet një fushatë me shumë gënjeshtra dhe se lojtari po viktimizohet, ndërsa ata ndihen si viktima kryesore.
Ky episod i tensionuar rrit më tej rivalitetin mes dy klubeve të njohura spanjolle. Atletico Madridi ka shprehur qartë vendosmërinë e saj për të mbrojtur integritetin dhe lojtarin e saj, duke mos lejuar spekulime të tilla të ndikojnë në imazhin e klubit.
