Arbitri anglez Anthony Taylor ka vendosur t’i japë fund karrierës së tij pas dy dekadash në fushat e futbollit.
47-vjeçari ka konfirmuar pensionimin nga arbitrimi profesional pas përfundimit të angazhimeve të tij në Kupën e Botës 2026, duke e mbyllur karrierën me 831 ndeshje të drejtuara gjatë 20 viteve.
Taylor e drejtoi ndeshjen e fundit më 6 korrik 2026, në fitoren e Spanjës 1:0 ndaj Portugalisë në fazën e 1/8 së finales së Botërorit.
“Arbitrimi në nivelin elitar ka qenë një privilegj i madh, por presioni është i jashtëzakonshëm dhe vëmendja është gjithmonë e pranishme. Tani është koha e duhur për t’u larguar dhe për të kaluar në kapitullin tjetër të karrierës sime”, deklaroi Taylor.
Gjatë karrierës së tij, arbitri anglez ka drejtuar ndeshje të mëdha, përfshirë finalen e Kupës së Ligës angleze në vitin 2015 dhe finalen e Ligës së Evropës në vitin 2023.
Ai u vlerësua edhe për reagimin e shpejtë në ndeshjen Danimarkë–Finlandë në Euro 2020, kur Christian Eriksen pësoi një kolaps në fushë.
Megjideklaroitë, Taylor është përballur edhe me polemika, veçanërisht pas finales së Ligës së Evropës 2023 mes Sevillas dhe Romës, kur trajneri José Mourinho e kritikoi ashpër pas ndeshjes.
Taylor e ka përshkruar atë incident si rastin më të rëndë të abuzimit që ka përjetuar gjatë karrierës së tij.
Prishtina Post – lajme të shpejta dhe të sakta.
