Gjykata Themelore në Prizren ka marrë një vendim për anëtarin e Komisionit Qendror të Zgjedhjeve (KQZ), A.D., duke i caktuar masën e arrestit shtëpiak për një periudhë prej një muaji. I dyshuari akuzohet për veprën penale të “Asgjësimit të materialeve të votimit”.
Sipas vendimit të formës së prerë, A.D. nuk do të ketë të drejtë të largohet nga vendbanimi pa miratimin e gjykatës dhe i ndalohet çdo kontakt me persona jashtë familjes së tij të ngushtë.
Hetimet paraprake zbulojnë se i pandehuri, në cilësinë e anëtarit të KQZ-së, dyshohet se më datën 7 qershor ka keqpërdorur detyrën gjatë procesit zgjedhor në një qendër votimi në Jabllanicë të Prizrenit. Ai akuzohet se ka marrë dhe fshehur gjashtë fletëvotime të paplotësuara, duke i shqyer ato nga blloku, me qëllim të pengimit të zhvillimit normal të zgjedhjeve dhe shprehjes së lirë të vullnetit të votuesve.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Gjykatësja e procedurës paraprake ka refuzuar kërkesën e Prokurorisë për paraburgim, duke konsideruar se masa e arrestit shtëpiak është e mjaftueshme për të siguruar praninë e të pandehurit dhe për të garantuar vijimin e pa penguar të hetimeve në këtë fazë.
Gjykata Themelore në Prizren ka paralajmëruar se në rast shkeljeje të masës së arrestit shtëpiak, ndaj A.D. do të caktohet masa e paraburgimit.
