Reperi i njohur shqiptar, Don Xhoni, po shijon një sukses global me albumin e tij më të ri, “100%”. Projekti muzikor ka thyer rekorde që në ditët e para të publikimit, duke u shndërruar në një fenomen dëgjueshmërie.
Suksesi i jashtëzakonshëm i albumit “100%” konfirmohet edhe nga shifrat në platformat më të mëdha muzikore. Në Spotify, ky album ka arritur të renditet në vendin e nëntë në listën globale “Top Albums”, duke u pozicionuar krah emrave të njohur ndërkombëtarë si Madonna, Ken Carson dhe Bonez MC. Ky vendim i rëndësishëm në listën globale tregon ndikimin e fortë të Don Xhonit në skenën muzikore botërore.
Përtej platformave të streamingut, “100%” ka pushtuar edhe rrjetet sociale, duke u kthyer në një nga trendet më të nxehta në TikTok. Së fundmi, dy influencuese të njohura në nivel ndërkombëtar, Jasmine Chiswell nga Skocia dhe Geovanna Alencar nga Brazili, kanë publikuar video ku shihen duke u argëtuar dhe kërcyer nën ritmet e këngëve nga ky album. Këto video kanë grumbulluar miliona shikime dhe kanë tërhequr vëmendjen e një publiku të gjerë jashtë Shqipërisë.
Renditja në listat muzikore globale dhe popullariteti në rrjetet sociale dëshmojnë se projekti “100%” i Don Xhonit ka arritur të prekë një audiencë ndërkombëtare, duke e ngritur artistin në një nivel të ri suksesi dhe duke i hapur dyert për karrierë edhe më të gjerë.
