Prishtinë – Ushtruesja e detyrës së presidentes së Kosovës, Albulena Haxhiu, pas ushtrimit të së drejtës së saj të votës në zgjedhjet e sotme, u bëri thirrje qytetarëve që të dalin masivisht në votime. Ajo theksoi se pjesëmarrja e lartë në procesin zgjedhor është një tregues i forcës së demokracisë në vend.
Në një deklaratë për mediat dhënë para shkollës fillore “Meto Bajraktari”, Haxhiu nënvizoi rëndësinë e ditës së sotme, duke kërkuar që ajo të karakterizohet nga maturia, respekti dhe përgjegjësia qytetare.
“Sa më e lartë pjesëmarrja në këto zgjedhje, aq më e fortë është demokracia jonë”, deklaroi Haxhiu, duke u bërë thirrje të gjitha palëve dhe qytetarëve të Republikës së Kosovës që të dëshmojnë maturi, respekt për njëri-tjetrin dhe dashuri për vendin.
Ajo gjithashtu uroi që procesi zgjedhor të zhvillohet në frymë demokratike dhe me dinjitet, duke falënderuar qytetarët dhe mediat për angazhimin e tyre.
