Aktori turk i njohur, Burak Çelik, është detyruar të ndërpresë pushimet e tij familjare në Antalia për shkak të një urdhri ndalimi të papritur. Lajmi, të cilin e mori në mëngjes, bëri që ai të kthehej menjëherë në Stamboll pas një periudhe relaksi me bashkëshorten e tij, Ece Bayrak, e cila është në muajin e shtatë të shtatzënisë.
Çelik, i cili po përfitonte disa ditë pushim për t’u rigjeneruar pas angazhimeve të shumta profesionale, u nis menjëherë drejt Stambollit. Gjatë udhëtimit, ai i kushtoi vëmendje të veçantë rehatisë së bashkëshortes së tij shtatzënë, duke u siguruar që ajo të ndihej sa më mirë, pavarësisht situatës stresuese.
Pas mbërritjes në Stamboll rreth mesditës, aktori u takua me avokatin e tij për të diskutuar hapat ligjorë. Më pas, ai u paraqit pranë Komandës së Përgjithshme të Xhandarmërisë, ku dha deklaratën e tij përpara autoriteteve. Procedurat ligjore zgjatën gjatë gjithë ditës, dhe Çelik u lirua në mbrëmje, duke u kthyer pranë familjes.
