Momente të veçanta dhe emocionuese për çiftin e njohur të aktorëve turq, Beril Pozam dhe Ersin Arıcı, të cilët po presin fëmijën e tyre të parë. Pas një lidhjeje që nisi në ambientet e xhirimeve dhe u kurorëzua me martesë në gusht 2024, çifti po i jep një dimension të ri marrëdhënies së tyre duke u bërë prindër.
Lajmin e gëzueshëm ata e ndanë me publikun përmes një postimi origjinal në rrjetet sociale. Në një fotografi ku mbizotëronin magnetet me kujtime udhëtimesh në derën e frigoriferit, spikati ekografia e parë e foshnjës së tyre. Krah saj, një dedikim i ngrohtë: “Çdo gjë që është jona jeton, prej dy vitesh dhe familja jonë po rritet”.
Postimi u prit me entuziazëm të jashtëzakonshëm, duke mbledhur qindra mijëra pëlqime dhe një mori urimesh nga kolegë dhe adhurues nga e gjithë bota. Ky lajm ka prekur thellë fansat, të cilët kanë përcjellë me mbështetje rrugëtimin e tyre si çift dhe tani si prindër të ardhshëm. Beril Pozam dhe Ersin Arıcı po hapin një kapitull të ri, duke festuar dashurinë dhe familjen, ndërsa fansat mezi presin të ndjekin këtë udhëtim të ri të mrekullueshëm.
