Ish-missi i njohur shqiptar, Afërdita Paqarada, po jeton një nga momentet më emocionuese dhe krenare të saj si nënë. Vajza e saj, Arba, ka përfunduar një fazë të rëndësishme të edukimit duke u diplomuar, duke hapur kështu rrugën drejt sfidave dhe mundësive të reja.
Afërdita nuk ka hezituar të ndajë gëzimin dhe krenarinë e saj me publikun, duke publikuar fotografi mbresëlënëse nga ceremonia e diplomimit në rrjetet sociale. Ajo i ka dedikuar vajzës së saj një mesazh prekës:
“Arba, çika ime, jeta ime, urime diplomimi! Zemra plot duke përjetuar një nga momentet tua më të bukura në jetë, shumë krenari, gëzime dhe shumë emocione. Krenare me ty sa s’ka më! Vazhdo t’i ndjekësh ëndrrat e tua dhe shkëlqe kudo që të çon jeta. Të dua pafund, çika ime e vogël!”
Në imazhet e shpërndara, Arba shihet duke mbajtur uniformën e diplomimit dhe një buqetë të madhe lulesh, ndërsa pranë saj qëndron Afërdita, duke shkëmbyer momente të forta lumturie dhe lidhjeje nënë-bijë. Ky postim ka nxitur një valë të jashtëzakonshme reagimesh, duke mbledhur qindra pëlqime dhe urime nga miq, fansa dhe figura të njohura publike.
Ky moment i veçantë sigurisht që do të mbetet një kujtim i çmuar për familjen Paqarada. ‘Prishtina Post’ i bashkohet urimeve për Arbën dhe i dëshiron suksese të mëtejshme në rrugën e saj.
