Sekretari i përgjithshëm i Aleancës për Ardhmërinë e Kosovës (AAK), Avni Arifi, deklaroi se partia e tij është e hapur për të mundësuar zgjedhjen e presidentit të propozuar nga Lëvizja Vetëvendosje (LVV), nëse LVV-ja garanton plotësimin e gjashtë kërkesave prioritare të AAK-së.
Arifi theksoi se AAK-ja pret një ftesë nga kryetari i LVV-së, Albin Kurti, për të diskutuar këto kërkesa, duke përfshirë pranimin e gazit amerikan, të cilin e cilësoi si çështje të partneritetit strategjik me SHBA-në.
Sipas Arifi, shtatë deputetët e AAK-së janë të gatshëm të sigurojnë kuorumin për zgjedhjen e presidentit, pa kërkuar poste ministrore, zëvendësministrore apo përfitime tjera. Ai shtoi se Aleanca ka lehtësuar punën e LVV-së duke ofruar votat e saj për një çmim minimal.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Kërkesat e AAK-së përfshijnë, përveç gazit amerikan, lehtësime për bizneset e vogla, mbështetje për bujqësinë, buxhetimin e infrastrukturës, nisjen e procedurave për ndërtimin e një termocentrali me thëngjill, si dhe një fond prej 1 miliard euro për kryeqytetin.
Arifi theksoi se këto kërkesa nuk janë të pandryshueshme dhe mund të diskutohen, duke shtuar se ka vullnet politik nga ana e AAK-së për të gjetur zgjidhje.
Ai gjithashtu sqaroi se AAK-ja nuk do të pengojë asnjë marrëveshje të mundshme mes LVV-së me LDK-në apo PDK-në për formimin e institucioneve, por ka përcaktuar kushtet e veta për të mundësuar kuorumin.
Arifi kritikoi zvarritjen e procesit të konstituimit të institucioneve, duke kujtuar se 6 gushti është afati i fundit ligjor.
