Pas muajsh spekulimesh dhe aludimesh, Rizarta Hoxha, ish-banorja e njohur e “Big Brother VIP”, ka vendosur të hedhë dritë mbi jetën e saj private dhe mundësinë e një lidhjeje me Arbër Çepanin. Nëpërmjet një sesioni interaktiv me ndjekësit e saj në Instagram, Rizarta iu përgjigj drejtpërdrejt pyetjeve rreth statusit të saj sentimental.
Kur u pyet për lidhjen e saj, ajo u shpreh qartë: “Currently single & not dating” (Aktualisht beqare dhe nuk po frekuentoj askënd). Kjo deklaratë vjen rreth dy muaj e gjysmë pas shpërthimit të thashethemeve për një romancë mes saj dhe fituesit të edicionit të parë të “Big Brother VIP”, Arbër Çepani.
Dyshimiet filluan të marrin jetë pas publikimit të një fotografie nga gazetari Elton Tozaj, ku shfaqej dyshja në aeroport me valixhe, duke nxitur menjëherë spekulime për pushime të përbashkëta në Spanjë. Megjithatë, as Rizarta dhe as Arbri nuk e konfirmuan kurrë publikisht një lidhje, duke lënë hapësirë për interpretime të ndryshme.
Me përgjigjen e saj të fundit, Rizarta Hoxha konfirmon se është beqare, duke lënë të hapur pyetjen se çfarë ndodhi me përfoljet me Arbër Çepanin. Historia e tyre mbetet ende pa një sqarim zyrtar nga asnjëra nga palët.
