Pas përplasjes së tensionuar mes Jonës dhe Doresës në episodin e fundit të “Big Brother VIP Kosova 5”, ish-banorja Benita Zena ka reaguar publikisht. Debati, i cili përfshiu akuza për bullizëm dhe ofendime, përfundoi pa kërkim-falje nga asnjëra palë, duke lënë një atmosferë të ngarkuar.
Benita ka ndarë mesazhe private që kishte marrë nga Jona gjatë qëndrimit të saj në format. Në një nga bisedat, Jona i shkruante Benitës: “Shumë padrejtsi tu t’ba. Qëndro e fortë. Të dua”, duke shprehur mbështetje.
Benita ka theksuar se qëndron në mbështetje të Jonës, pavarësisht akuzave të fundit. “Mendoj se një periudhë e gjatë mund t’i ndryshojë shumë njerëzit, por nuk i di të gjitha historitë. Megjithatë, nga ajo që kam parë dhe nga mënyra se si më ka respektuar, unë jam me Jonën”, ka shkruar ajo.
Me këtë reagim, ish-banorja ka ndarë përvojën e saj personale me Jonën, duke sqaruar se nuk është në dijeni të plotë të ngjarjeve që çuan në përplasjen me Doresën. Përballja e tyre vazhdon të jetë temë diskutimi në rrjetet sociale, ndërsa reagimi i Benitës shton një tjetër dimension në këtë histori.
