Milano Fashion Week ka sjellë një moment intrigues për adhuruesit e reality show-t, pasi dy ish banorët e njohur të Big Brother VIP Kosova 4, Londrim Mekaj dhe Ludo Lee, u panë në të njëjtin event.
Prania e tyre në sfilatën e stilistit të famshëm Philipp Plein ka nxitur menjëherë spekulime në rrjetet sociale, duke bërë fansat të pyesin nëse kishte ndonjë takim të planifikuar mes tyre. Pamjet e publikuara nga të dy protagonistët nga ky event i modës nxorën në pah kureshtjen e ndjekësve.
Megjithatë, sipas burimeve të ‘Prishtina Post’, ky takim ishte krejtësisht i rastësishëm. Një burim i afërt me situatën ka konfirmuar se Londrimi dhe Ludo nuk kanë pasur asnjë kontakt gjatë ngjarjes, duke e minimizuar mundësinë e ndonjë takimi të organizuar.
Kjo situatë merr një dimension më interesant duke pasur parasysh historinë e tyre në Big Brother VIP Kosova 4, ku Londrimi u shpall fitues, ndërsa Ludo përfundoi në vendin e tretë. Ndarja e një skene në Milano ka rikthyer kujtimet e fansave për momentet e tyre në shtëpinë e famshme.
Milano Fashion Week, e cila po zhvillohet nga 22 deri më 28 shtator, është një nga ngjarjet më prestigjioze të modës në botë, duke mbledhur mbi 200 sfilata dhe prezantime. Edhe pse Londrimi dhe Ludo ndanë të njëjtin event, duket se ishte thjesht një rastësi e modës, pa ndonjë zhvillim personal mes tyre.
