Ish-konkurrenti i Big Brother VIP Albania 4, G Bani, ka shprehur publikisht pendesë për qëndrimin e tij ndaj konkurrentit tjetër, Jozit, gjatë një prej momenteve më të diskutueshme të spektaklit.
Në një postim të fundit në rrjetet sociale, G Bani ka rikthyer vëmendjen te incidenti ku Gjesti hodhi në pishinë zinxhirin me kryq të Jozit, një veprim që kishte nxitur debate të shumta atëkohë.
Pas një periudhe reflektimi, G Bani ka pranuar se ndjehet i turpëruar për mënyrën se si reagoi në atë moment. Ai ka shkruar: “Sa sulm i ulët kundër Jozit! Më vjen turp që i dola kundër Jozit për shpullën atëherë. Për Krishtin betohem që nuk e kisha shiku’ këtë video. Si mund të thotë Neda që ke shkel këto kufij, kur Jozi kurrë nuk ka ofenduar fenë e askujt?! Më fal, Joz!”.
Ky reflektim vjen në një kohë kur Jozi aktualisht ndodhet në arrest shtëpiak pas një incidenti tjetër. Pavarësisht rrethanave, G Bani duket se ka ruajtur mbështetjen për Jozin.
Me këtë deklaratë, G Bani tregon gatishmërinë për të pranuar gabimet dhe për të reflektuar mbi to, duke u bërë thirrje të tjerëve për më shumë mirëkuptim dhe tolerancë.
