Modelja dhe aktorja Arbnora Ademaj ka folur për një nga momentet më të përfolura të saj, gjatë një interviste në emisionin “Prive Summer”.
Bëhet fjalë për momentin kur kamera e kishte kapur duke ngrënë qebapa, pamje që më pas u bënw virale dhe shkaktuan komente të shumta në rrjete sociale.
Ademaj ka treguar se në fillim e kishte marrë më afër zemrës gjithë situatën, ndërsa sot e kujton me humor, transmeton Klankosova.tv.
“Nëse e kanë kuptuar shikuesit, nuk të kam sulmuar ty, nuk e kam pasur direkt me ty. Kemi gjetur një paqe, faleminderit për atë storje sepse edhe sot qeshi me veten dhe me komentet. Nëse postoj diçka më shkruajnë – a po han qebapa”, tha ajo në Klan Kosova.
Ajo ka thënë se, pavarësisht se gjatë karrierës ka pasur shumë histori që janë përfolur, ajo e qebapëve mbetet ndër më të veçantat.
“Gjatë jetës sime, storja që u përfol më së shumti ka qenë qebapi. Prapë e kishim përsërit. Në atë moment e kam marrë afër zemrës”.
