Milano, Itali – FC Internazionale Milano po shfaq një strategji të qartë dhe ambicioze për merkato e verës, duke e kthyer përvojën në UEFA Champions League në një kriter kyç për përforcimin e skuadrës. Pas dy finaleve të humbura brenda një periudhe trevjeçare, klubi zikaltër synon të sjellë lojtarë me një bagazh të konsiderueshëm në kompeticionet europiane, duke parë te ata garancinë për sukses në fazat vendimtare.
Objektivi kryesor i Interit mbetet triumfi në Champions League, dhe kjo ambicie reflektohet drejtpërdrejt në politikën e transferimeve. Lojtarët që kanë kaluar nëpër sfida të forta europiane konsiderohen si investim i sigurt për të forcuar ekipin dhe për të rritur konkurrueshmërinë.
Një nga emrat më të lakuar në listën e dëshirave të trajnerit Simone Inzaghi është mbrojtësi anglez John Stones. Me 62 paraqitje, 6 gola dhe 4 asistime në Champions League, dhe me trofeun e fituar me Manchester City, Stones shihet si një përforcim cilësor për repartin e prapëm.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Benjamin Pavard, mbrojtës francez me 57 ndeshje, 3 gola dhe 5 asistime në aktivet e tij europiane, përfshirë fitoren e Champions League me Bayern Munich në vitin 2020, është një tjetër kandidat i fortë. Përvoja e tij e gjerë në nivele të larta e bën atë një opsion tërheqës.
Lista e lojtarëve me potencial dhe përvojë europiane nuk përfundon këtu. Portieri Ivan Provedel, i cili numëron 8 ndeshje dhe një gol spektakolar kundër Atletico Madridit, ofron siguri dhe zgjidhje të papritura. Ndërkohë, Curtis Jones, me 28 ndeshje, 1 gol dhe 7 asistime, sjell energji dhe kreativitet në mesfushë.
Interi po vëzhgon gjithashtu lojtarë të rinj me potencial të madh, si Aleksandar Stankovic, 21-vjeçari me 10 ndeshje, 2 gola dhe 2 asistime në Champions, i cili po zhvillohet nën kujdesin e atit të tij, ish-mesfushorit Dejan Stankovic, me 87 paraqitje në këtë turne.
Emra të tjerë si Christian Romero (22 ndeshje) dhe Nico Gonzalez (17 ndeshje) janë gjithashtu në radarin e zikaltërve, duke treguar një qasje të balancuar mes përvojës së dëshmuar dhe rinisë premtuese. Kjo strategji e Interit, e fokusuar në cilësinë dhe eksperiencën europiane, tregon qartë ambiciet e klubit për të rikthehet në mesin e klubeve më të mira të kontinentit dhe për të luftuar për trofeun më të madh të futbollit europian.
