Pas një incidenti të papritur në Dhërmi, këngëtari i njohur Luiz Ejlli ka shprehur shqetësimin e tij për rregullat e reja që kufizojnë muzikën në zonat turistike. Ai u detyrua të anulojë koncertin e tij, duke lënë fansat të zhgënjyer.
Luizi, i cili kishte mbërritur në Dhërmi për të performuar, publikoi një video në rrjetet sociale për të shprehur pakënaqësinë e tij për situatën. Ai theksoi se koncerti nuk mundi të zhvillohej për shkak të zbatimit të rregullave të reja që ndalonin muzikën me volum të lartë.
“Jam në Dhërmi… Ora është 10:30 dhe nuk dëgjohet asnjë zë. Kam ardhur këtu për të kënduar, por me këtë ligjin e ri, duket se nuk lejohet muzika,” shprehu ai, duke theksuar se situata ishte e papranueshme në kulmin e sezonit turistik.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Këngëtari kërkoi ndjesë nga të gjithë ata që kishin ardhur për ta ndjekur, duke theksuar se ai nuk kishte kontroll mbi situatën. “Më vjen shumë keq për këtë që ndodhi,” tha ai, duke shprehur keqardhje për fansat e tij.
Në video, Luizi gjithashtu kritikoi kufirin e vendosur për nivelin e zhurmës, duke e quajtur atë të papranueshëm. Ai ironizoi masën prej 45 decibelësh, duke thënë se ishte e pamundur të performonte në ato kushte.
“45 decibel… do të thotë se duhet të këndoj në vesh të secilit. Nuk e di… Nuk e di,” shprehu ai me një ton të ironik, duke e bërë situatën edhe më dramatike.
Incidenti ka nxitur diskutime të shumta në rrjetet sociale, ku fansat shprehin mbështetje për Luizin dhe kritikojnë rregullat e reja që duken të papërshtatshme për një sezon turistik të ngarkuar.
Me këtë situatë, këngëtari ka bërë thirrje për një rishikim të këtyre rregullave, duke kërkuar që të ruhet atmosfera festive e koncertit dhe të lejohet muzika për të gjithë ata që duan të argëtohen.
