Ky festival, i cili u mbajt nga 31 korriku deri më 2 gusht, solli në skenë disa nga emrat më të njohur të industrisë muzikore ndërkombëtare, duke e bërë këtë ngjarje një përvojë të paharrueshme për të gjithë pjesëmarrësit.
Nata e parë e festivalit u hap me performancën e superyllit të muzikës pop, Katy Perry, e cila magjepsi publikun me hitet e saj të njohura. Më pas, nata e dytë u dominua nga këngëtari skocez Lewis Capaldi, i cili solli emocione të forta me zërin e tij të veçantë.
Finalja e festivalit ishte një ngjarje që nuk duhej humbur, me performancën e DJ-it dhe producentit të njohur botëror, Martin Garrix. Ai solli një atmosferë elektrizuese, duke mbajtur publikun në këmbë deri në orët e vona të natës.
Gjatë festivalit, skenat u mbushën me emra të njohur të muzikës elektronike si Adam Port dhe Rampa (Keinemusik), Carlita, Seth Troxler dhe PAWSA, si dhe artistë shqiptarë të njohur si Dhurata Dora, Ledri Vula, MC Kresha dhe Lyrical Son.
Nata finale ishte një spektakël i vërtetë, me Martin Garrix që performoi disa nga hitet e tij më të njohura, duke përfunduar festivalin me një shfaqje mbresëlënëse të dritave dhe efekteve vizuale.
Edicioni i sivjetmë i “Sunny Hill Festival” konfirmoi edhe një herë rëndësinë e tij si një nga ngjarjet më të mëdha muzikore në rajon, duke e shndërruar Prishtinën në një qendër të muzikës dhe argëtimit për tri net radhazi.
Me këtë sukses, festivalin e ardhshëm pritet të sjellë edhe më shumë surpriza dhe emra të njohur, duke e bërë atë një ngjarje që çdo adhurues i muzikës duhet ta vizitojë.
