Numërimi mbrapsht për Sunny Hill Festival 2026 ka filluar zyrtarisht, duke ngritur në qiell pritshmërinë e mijëra adhuruesve të muzikës. Vetëm dy javë na ndajnë nga starti i këtij eventi muzikor madhështor, i cili konsiderohet si një nga më të rëndësishmit në Kosovë dhe rajon.
Festivali, që do të mbahet në datat 31 korrik, 1 dhe 2 gusht, premton tri netë plot energji, performanca të jashtëzakonshme dhe atmosferë të papërsëritshme. Përgatitjet janë në fazën e fundit, teksa organizatorët punojnë për të garantuar një përvojë të paharrueshme për të gjithë të pranishmit.
Lista e artistëve kryesorë për këtë edicion është mbresëlënëse. Nata e parë do të dominohet nga prezenca e superylles globale, Katy Perry, e cila pritet të sjellë një shfaqje spektakolare. Të nesërmen, skenën do ta pushtojë Lewis Capaldi, duke sjellë hitet e tij emocionuese. Ndërsa, Martin Garrix do të jetë ai që do të mbyllë festivalin me një set electrizues, duke lënë gjurmë në kujtesën e pjesëmarrësve.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Por, Sunny Hill Festival 2026 nuk kufizohet vetëm me këto emra të njohur ndërkombëtarisht. Programi i pasur përfshin dhjetëra artistë të tjerë, si vendorë ashtu edhe ndërkombëtarë, duke ofruar një gamë të larmishme zhanresh dhe stilesh muzike. Me katër skena të vendosura në lokacione të ndryshme, festivali synon të ofrojë një eksperiencë unike dhe gjithëpërfshirëse.
Ndërsa ditët kalojnë, emocioni rritet, duke paralajmëruar rikthimin e fortë të festivalit më të madh muzikor në vend. Fundi i korrikut duket se do të shënojë një kapitull të ri dhe të suksesshëm në historinë e Sunny Hill Festival.
