Ndeshja më e pritur e çerekfinales së Kupës së Botës 2026 zhvillohet sonte në “Hard Rock Stadium” të Miami, ku Norvegjia dhe Anglia do të masin forcat për një biletë drejt gjysmëfinales.
Norvegjia, nën drejtimin e Ståle Solbakken, ka bërë histori duke arritur për herë të parë në këtë fazë të turneut, duke shokuar Brazilin në një sfidë dramatike. Tani, ata synojnë të vazhdojnë rrugëtimin mbresëlënës kundër Anglisë, një nga skuadrat favorite për të fituar trofeun.
Qendra e vëmendjes së këtij dueli do të jetë përballja mes dy yjeve të sulmit, Erling Haaland dhe Harry Kane. Ky nuk është vetëm një duel mes dy ekipeve, por një betejë mes breza dhe një mundësi për të konfirmuar se kush është sulmuesi më i mirë në botë aktualisht.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Norvegjia tregon forcë me lojtarë si portieri Ørjan Nyland dhe mesfushori Sander Berge, duke u prezantuar si një ekip solid dhe i organizuar. Anglia, e drejtuar nga Thomas Tuchel, vjen me një grup të mbushur plot talente si Declan Rice, Jude Bellingham dhe Bukayo Saka, me kapitenin Kane në krye të sulmit, duke synuar rikthimin e titullit.
Pritet një atmosferë e zjarrtë në stadium, me mbështetjen e tifozëve norvegjezë dhe anglezë. Norvegjia pritet të luajë me formacionin që mundi Brazilin, duke u fokusuar te sulmi. Anglia, megjithë mungesën e Jarell Quansah për shkak pezullimi, ka një mbrojtje të fortë të udhëhequr nga Ezri Konsa dhe John Stones.
Ndeshja fillon në orën 23:00 (me kohën europiane) dhe do të drejtohet nga arbitri francez Clément Turpin. Fituesi i kësaj sfide do të përballet në gjysmëfinalen e 15 korrikut në Atlanta me fituesin e çiftit Argjentinë–Zvicër.
