Ukraina ka njoftuar se forcat e saj kanë goditur një urë hekurudhore, një termocentral dhe objektiva të tjera kyç të infrastrukturës në Krime, ndërsa autoritetet ushtarake të Kievit kërkojnë të izolojnë gadishullin jetësor të mbajtur nga Rusia në fazën e fundit të luftës 4-vjeçare.
Sulmet me dronë dhe raketa i kanë shtuar problemet në gadishullin e Detit të Zi, ku autoritetet ruse janë detyruar të pezullojnë shitjet e derivateve për civilët, ndërsa Ukraina ka intensifikuar fushatën e saj të fundit për të ndërprerë linjat e furnizimit dhe rrjetin elektrik në kulmin e sezonit turistik të verës.
Gadishulli është pushtuar me forcë dhe është ankesuar nga Moska në vitin 2014.
Sulmet ukrainase me rreze të gjatë veprimi kanë nxjerrë në pah aftësinë e saj për të shkaktuar dëme të shumta ndaj Rusisë dhe për të ushtruar presion mbi Kremlinin.
Ukraina ka goditur gjideklaroishtu objektiva pranë Kremlinit në Moskë dhe në Shën Petersburg, qyteti i dytë më i madh i Rusisë.
Duke folur për intensifikimin e sulmeve me dronë ukrainasë thellë brenda territorit rus, presidenti rus, Vladimir Putin, ka thënë të martën se ato synojnë destabilizimin e shoqërisë ruse dhe krijimin e “një ndjenje pasigurie në lidhje me veprimet e forcave të armatosura ruse”.
Prishtina Post – lajme të shpejta dhe të sakta.
