Artisti i njohur shqiptar, Gjesti, ka organizuar një festë surprizë për motrën e tij, Blerinën, duke shënuar në mënyrë të paharrueshme ditëlindjen e saj. Në një video emocionuese të publikuar në Instagram, Gjesti shihet duke i bërë një vizitë të papritur motrës së tij në mes të natës, duke i sjellë një tortë festive dhe një buqetë të bukur me lule.
Momenti kur Blerina kupton surprizën nga vëllai i saj ka emocionuar jo vetëm familjen, por edhe mijëra ndjekës të artistit. Atmosfera e ngrohtë dhe dashamirëse ka mbizotëruar gjatë festës.
Gjesti nuk ka lënë pa shprehur ndjenjat e tij për motrën, duke i dedikuar fjalë të sinqerta. Ai i ka uruar Blerinës shëndet, lumturi dhe suksese në rrugën e saj, duke theksuar mbështetjen e tij të palëkundur dhe dashurinë e madhe që ndjen për të.
