Pas javësh plot spekulime dhe aludime në rrjetet sociale, Aurora Rrusta dhe Kushtrim Kelani i kanë dhënë fund misterit rreth raportit të tyre. Dyshja, e cila prej kohësh përflitej për një lidhje romantike, tashmë ka konfirmuar publikisht romancën përmes postimeve në platformat dixhitale.
Më herët, pamje të publikuara nga mediat rozë i shfaqnin ata mjaft të afërt në një ambient nate në Prishtinë, duke nxitur menjëherë aludime për një histori dashurie mes tyre. Megjithatë, deri tani as Aurora dhe as Kushtrimi nuk kishin reaguar publikisht për të konfirmuar raportin.
Kjo situatë ka ndryshuar së fundmi, pasi të dy kanë ndarë momente të veçanta pranë njëri-tjetrit në Instagram, duke lënë pak vend për dyshime. Në një nga postimet e tij, Kushtrimi publikoi një moment nga një darkë romantike, të cilën e shoqëroi me mbishkrimin “date night”, ndërsa vëmendjen e ndjekësve e tërhoqën detajet që tregonin praninë e Aurorës.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Nga ana tjetër, Aurora ndau disa fotografi ku shfaqet e buzëqeshur pranë këngëtarit, duke konfirmuar se po shijon një kapitull të ri në jetën e saj personale. Publikimet e tyre kanë marrë menjëherë reagime të shumta nga fansat, të cilët prej kohësh prisnin një konfirmim zyrtar nga çifti. Tashmë duket se Aurora dhe Kushtrimi nuk kanë më ndërmend ta mbajnë larg syrit të publikut historinë e tyre të dashurisë.
