Dokumentari më i ri i platformës Prime Video, me titull “Loredana & Karim”, ka sjellë në dritë detaje të rralla dhe mjaft intriguese nga jeta private e njohurive të njohura shqiptare, reperes Loredana, dhe futbollistit të talentuar të Borussia Dortmund, Karim Adeyemi.
Përmes gjashtë epizodave, kamerat kanë depërtuar në përditshmërinë e çiftit, duke nxjerrë në pah dinamikën e tyre të veçantë dhe pohimin e tyre se nuk janë një “çift normal”. Loredana, me humor, deklaron se ajo merr vendimet kryesore në shtëpi, duke pasur parasysh udhëtimet e shpeshta të Karim si futbollist. Ndërkohë, ylli i Dortmundit, me buzëqeshje, komenton se ajo po e kthen në një “qen Chihuahua”. Pavarësisht kësaj loje me fjalë, ata e konsiderojnë veten si çiftin ideal.
30-vjeçarja Loredana thekson se ata e njohin çdo gjë për njëri-tjetrin, ndërsa Karimi shton, mes të tjerash, se janë martuar “për të pasur një klasë më të lartë taksash”.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Përtej imazhit publik plot shkëlqim, si propozimi ashtu edhe dasma e tyre, e cila u zhvillua në tetor 2024, ishin larg pritshmërive glamuroze. Loredana kujton propozimin, i cili ndodhi gjatë një shëtitjeje në një mbrëmje të ftohtë dimri. “Ai nxori unazën dhe unë u shokova”, tregon reperja, duke shtuar se ngjarja u filmua me telefon nga vajza e saj 6-vjeçare, Hana, në mes të pyllit. Ajo qesh duke kujtuar reagimin e saj fillestar, i cili ishte paksa i sikletshëm: “Nuk i thashë ‘Po’, por ‘Safe’ (Sigurisht)”.
Çifti kurorëzoi dashurinë në tetor 2024 në një zyrë modeste të gjendjes civile në Cyrih, me praninë e vetëm familjarëve dhe miqve më të afërt. Edhe pse ceremonia ishte e thjeshtë dhe me kosto të ulët, Loredana shprehet se ndjesia ishte aq e fuqishme sa “i dukej sikur kishin shpenzuar miliona”, duke theksuar se te Karimi ka gjetur dashurinë e vërtetë.
Një detaj tjetër që ka nxitur diskutime është vendimi i tyre për të mos pasur një kontratë paramartesore. Ky vendim befasoi edhe avokatin e tyre, i cili, sipas Loredanës, mbeti i shokuar dhe pyeti: “Si? Zero?”. Kjo tregon besimin e plotë që ata kanë te njëri-tjetri, duke lënë të kuptohet se në rast divorci, asnjëri nuk do të kërkojë pasurinë e tjetrit.
