Ish-konkurrentja e njohur e formatit televiziv “Ferma VIP”, Vanesa Sono, ka ngritur kuriozitetin e publikut me paralajmërimin e projektit të saj më të ri muzikor. Përmes një postimi të ndarë në platformën TikTok, këngëtarja ka publikuar një fragment nga audioja e këngës, e cila pritet të publikohet së shpejti, duke e shoqëruar me mbishkrimin “Së shpejti”.
Megjithatë, ajo që ka tërhequr më shumë vëmendjen janë tekstet e këngës, të cilat kanë nxitur menjëherë diskutime dhe aludime mes ndjekësve. Shumë komentues në rrjetet sociale shprehen të bindur se ky projekt muzikor i kushtohet pikërisht Indrit, djalit me të cilin Vanesa pati një lidhje gjatë qëndrimit brenda “Ferma VIP”.
Analiza e tekstit sugjeron se temat e dhimbjes dhe zhgënjimit të shprehura në vargje përkojnë në mënyrë të konsiderueshme me zhvillimet e fundit në marrëdhënien e tyre jashtë reality show-t.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Fragmenti i tekstit të publikuar nga Vanesa përfshin vargjet: “Nuk dua ta besoj / Që ata kan pas të drejtë / Te ty të dyshojnë / Pa ndrojtje m’flake tej” dhe më pas vijon: “Ti fyjem edhe pak / Ulëm edhe pak / Luj e luj me ndjenja / Thuje ça ki n’shpirt / Bërtiti ti pa frik / Dyshoj t’jenë të vërteta”. Këto fjalë duket se reflektojnë ngjarjet mes tyre pas daljes nga programi.
Kujtojmë se pas largimit të Vanesës nga “Ferma VIP”, Indri deklaroi publikisht se nuk e kishte ndjerë mungesën e saj brenda shtëpisë. Ai madje mori vendimin për t’i dhënë fund marrëdhënies së tyre live gjatë një mbrëmje “Prime”, duke i lënë një letër.
Mbetet për t’u parë nëse ky projekt i ri muzikor i Vanesës do të konfirmohet si një dedikim për të gjitha këto përjetime.
