Ish-banorja e njohur e ‘Big Brother VIP Kosova 4’, Dolce Gela, ka ngritur një dallgë diskutimesh në rrjetet sociale pas një deklarate të saj. Që kur përfundoi pjesëmarrja në BBVK, fansat kanë qenë tepër kuriozë për jetën private të Dolces, e cila së fundmi ka vendosur të plotësojë këtë kërshëri.
Gjatë një sesioni interaktiv me ndjekësit në platformën Instagram, Dolce u përball me një mori pyetjesh rreth jetës së saj sentimentale. Një pyetje, në veçanti, tërhoqi vëmendjen e të gjithëve: “A ke dikë në zemrën tënde?”.
Përgjigjja e saj, edhe pse koncize, ishte më se e qartë. “Poooooo”, u përgjigj Dolce, duke konfirmuar indirekt se zemra e saj tashmë i përket dikujt. Megjithatë, ish-banorja vendosi të ruajë diskrecionin duke mos zbuluar identitetin e partnerit të saj.
Dolce nuk ofroi asnjë detaj shtesë, as fotografi apo informacione që mund të zbulonin se kush është personi që i ka fituar dashurinë. Kjo ka shtuar kuriozitetin e fansave, të cilët kanë nisur menjëherë spekulimet për të zbuluar mashkullin misterioz që ka hyrë në jetën e saj. Për momentin, Dolce po e mban këtë kapitull të jetës larg vëmendjes publike, ndërsa publiku pret me padurim më shumë detaje rreth romancës së saj të re.
