Tensionet duket se kanë arritur kulmin brenda shtëpisë së Ferma VIP, duke sjellë një përplasje të ashpër.
Protagonistë të këtij momenti kanë qenë Blerina dhe Bujakja, të cilët janë përfshirë në një debat me njëri-tjetrin, i cili ka degraduar në përdorimin e një fjalori të papërshtatshëm.
Në pamjet që po bëjnë xhiron e rrjetit, shihet qartë gjendja e rënduar e Blerinës. Në kulmin e acarimit dhe teksa refuzon komunikimin e mëtejshëm, ajo i ka kërkuar vazhdimisht konkurrentit që të largohej nga prania e saj, ndërkohë që ndodheshin në tavolinën e ngrënies.
Megjithatë, situata ka dalë plotësisht jashtë kontrollit kur ajo ka kaluar në ofendime personale.
Fillimisht, pasi i ka përsëritur disa herë fjalën “largohu”, Blerina është dëgjuar t’i drejtohet nën zë me fjalët e rënda “te q**** robt”.
Me pas ajo i është kthyer sërish duke i thënë “do te q…”, duke e lënë fjalinë përgjysmë, por me një nënkuptim mjaft të qartë për të gjithë të pranishmit dhe publikun që po ndiqte dinamikën.
Kjo ngjarje ka ndezur menjëherë një valë reagimesh nga ndjekësit e formatit, duke ngritur pikëpyetje të mbi tolerancën ndaj gjuhës së përdorur në këtë përplasje.
