Një ngjarje e rëndë tronditi mëngjesin e së martës në fshatin Prilluzhë të Vushtrrisë, ku një foshnje u dërgua në Qendrën e Mjekësisë Familjare pa shenja jete.
Foshnjën, familjarët e të cilëve jetojnë në fshatin Plemetin të Obiliqit, e sollën në institucionin shëndetësor rreth orës 08:25 të kësaj të marte. Mjekët konfirmuan menjëherë mungesën e shenjave jetësore, duke shënuar një humbje të dhimbshme për familjen dhe komunitetin.
Detajet rreth rrethanave të kësaj tragjedie ende nuk janë bërë të ditura plotësisht, ndërsa autoritetet pritet të japin më shumë informacion.
