Veteranët e UÇK-së këshillohen të shmangin udhëtimet në Serbi, Maqedoni dhe Mal të Zi

Veteranët e Luftës së Ushtrisë Çlirimtare të Kosovës duhet të jenë të kujdesshëm gjatë udhëtimeve jashtë vendit, sidomos kur bëhet fjalë për kalimin nëpër Serbi, Maqedoni dhe Mal të Zi. Autoritetet kanë paralajmëruar se Serbia vazhdimisht po freskon listat e personave të kërkuar, duke përfshirë veteranët e UÇK-së në databazat e Interpol dhe Europol.Ky paralajmërim vjen pasi është vërejtur një rritje e numrit të personave të ndaluar në këto vende, bazuar në urdhër-arrestet e lëshuara nga Serbia. Prandaj, veteranët këshillohen të jenë të kujdesshëm dhe të shqyrtojnë me kujdes planet e tyre të udhëtimit për të shmangur ndonjë incident të mundshëm.