Nëse Koreja e Veriut do të dërgonte trupa në Ukrainë për të luftuar në emër të Rusisë, kjo do të përshkallëzonte ndjeshëm konfliktin, ka deklaruar shefi i NATO-s, Mark Rutte.
Rutte, i cili mori detyrën si shef i aleancës ushtarake në fillim të muajit, tha se kishte një diskutim me presidentin e Koresë së Jugut, Yoon Suk Yeol, rreth partneritetit të ngushtë të aleancës me Seulin.
Siç thekson Rutte, biseda ishte fokusuar në bashkëpunimin industrial të mbrojtjes dhe sigurinë e ndërlidhur të Euro-Atlantikut dhe Rajonet e Indo-Paqësorit, shkruan Reuters, përcjell PrishtinaPost.
Kjo deklaratë vjen pasi presidenti i Ukrainës, Volodymyr Zelensky tha se Koreja e Veriut po përgatitej të dërgonte 10,000 ushtarë për të ndihmuar përpjekjet luftarake të Moskës dhe se disa oficerë të Koresë së Veriut ishin vendosur tashmë në territorin ukrainas të pushtuar nga Rusia.