Shkuarja e policëve për ngushëllime tek familja e Faton Hajrizit ka rezultuar me suspendimin e komandantit të Stacionit Policor në Skënderaj, Muhamet Kajtazi. Ky vendim është konsideruar i padrejtë nga Kryetari i Komisionit për Siguri në Kuvendin e Kosovës, Bekë Berisha. Inspektorati Policor i Kosovës është duke hetuar gjithashtu edhe pjesëmarrjen e policëve të tjerë në këtë ngjarje.
Shkuarja për ngushëllime tek familja e Faton Hajrizit i ka kushtuar me suspendim komandantit të Stacionit Policor në Skënderaj, Muhamet Kajtazit. Ky vendim është marrë në një kontekst ku Inspektorati Policor i Kosovës (IPK) është duke hetuar edhe zyrtarë të tjerë policorë që kanë marrë pjesë në këtë ngjarje, duke përdorur fotografi dhe prova të tjera për të identifikuar ata që janë përfshirë.
IPK-ja ka nisur një hetim disiplinor nën akuzën e shkeljes së rëndë disiplinore, konkretisht “sjellje e rëndë diskredituese”, sipas aktit nënligjor të Policisë së Kosovës. Hetuesit e IPK-së do të intervistojnë komandantin dhe zyrtarët e tjerë pasi të përfundojnë verifikimet.
Avokati Yll Zekaj ka sqaruar se veprimet e komandantit dhe vartësve të tij janë konsideruar si shkelje të rënda në përputhje me udhëzimet e IPK-së.
Megjithatë, deputeti Bekë Berisha, kryetar i Komisionit për Siguri në Kuvendin e Kosovës, ka kritikuar vendimin e IPK-së, duke e quajtur të padrejtë për shkak se komandanti po e kishte bërë një veprim të zakonshëm njerëzor.
Ngushëllimet për Faton Hajrizin, që u varros në fshatin e tij të lindjes, ishin të pranishme nga shumë qytetarë./Prishtina Post