Sipas statistikave botërore, Kosova dhe Shqipëria kryesojnë listën e vendeve me numrin më të madh të të rinjve. Në Kosovë, mosha mesatare është 32 vjeç, ndërsa në Shqipëri 38 vjeç. Kjo tregon se popullsia në këto dy vende është e re dhe energjike, duke u përballur me sfida dhe mundësi të shumta.
Në nivel botëror, vendet afrikane, si Nigeria, kanë popullsinë më të re, me një moshë mesatare prej 15 vitesh, për shkak të shkallës së lartë të lindshmërisë. Në të kundërt, vendet si Japonia, Italia, Spanja dhe Gjermania kanë popullsi më të vjetër, me moshën mesatare që varion nga 47 deri në 50 vjeç.
Një paradoks që vërehet është se vendet me popullsi të vjetër kanë mundësi të shumta punësimi, por mungesë të rinjsh për t’i shfrytëzuar ato, ndërsa vendet me popullsi të re, si Kosova dhe Shqipëria, kanë shumë të rinj në kërkim të mundësive, por me kufizime të mëdha në tregun e punës.
Ky është një realitet që kërkon zgjidhje të shpejta dhe efektive për të shfrytëzuar potencialin e të rinjve dhe për të përmirësuar të ardhmen e këtyre vendeve./Transmeton Prishtina Post