Në kundërshtim me njoftimet zyrtare të shtetit që deklarojnë se shkollat kanë filluar procesin mësimor në çdo cep të Kosovës, nxënësit e një shkolle në komunën tonë ende nuk kanë nisur mësimin.
Shkolla nuk është hapur, dhe nuk do të hapet deri më 9 shtator për shkak të mos përfundimit të punimeve në aneksin e ri të shkollës.Prindërit dhe nxënësit janë të shqetësuar për këtë vonesë, ndërsa mungesa e informacionit nga autoritetet lokale ka shkaktuar konfuzion dhe pakënaqësi.
Sipas burimeve të Prishtina Post, punimet në aneksin e ri të shkollës po vonohen për shkak të problemeve me furnizimet dhe punët ndërtimore, duke i detyruar nxënësit të qëndrojnë në shtëpi për disa ditë më shumë.
Megjithëse zyrtarët shtetërorë kanë deklaruar se shkolla ka filluar normalisht në të gjithë vendin, ky rast tregon të kundërtën, duke ngritur pyetje mbi koordinimin dhe informimin e duhur nga institucionet përkatëse. Prishtina Post do të vazhdojë të ndjekë situatën dhe të raportojë për çdo zhvillim të ri.