Çfarë katastrofe e paparë: Mediat maqedonase njoftojnë për të paktën 50 të vdekur si pasojë e një zjarri në një diskotekë në Koçan të Maqedosnisë së Veriut. Ndërsa edhe numri i të lënduarve është shumë i madh, por nuk dihet sakt sa janë të lënduar, sepse janë dërguar nëpër spitale të ndryshme.
Në diskotekë kanë qenë, siç supozohet rreth 1.500 persona, kryesisht të rinj. Prokuroria maqedonase pohon se shkaku i zjarrit në Koçan mund të ketë qenë ndezja e mjeteve piroteknike brenda diskotekës.
Janë arrestuar edhe disa persona që kanë lidhje me organizimin por përmasat e kësaj ngjarje janë të tmerrshme. Për këtë ngjarje po shkruajnë sot edhe mediat më të njohura në Gjermani, që e kanë vënë në kryetituj.
Thuhet se ekipet mjekësore po trajtojnë me dhjetëra persona të lënduar, por nuk dihet sa serioze janë plagët e tyre.