Ministrja e Arsimit, Arberie Nagavci, ka njoftuar se 60,244 prindër kanë aplikuar për subvencionimin e teksteve shkollore brenda 24 orëve nga hapja e aplikimeve në Platformën e-Kosova. Aplikimi për këtë subvencion u hap një ditë më parë.
Sipas të dhënave zyrtare, brenda 24 orëve kanë aplikuar gjithsej 60,244 prindër. Inkurajojmë prindërit që nuk kanë aplikuar ende që ta shfrytëzojnë këtë mundësi. Në shërbimin tuaj është edhe numri i telefonit pa pagesë për çfarëdo pyetje që mund të keni rreth aplikimit:0800 30 900 si dhe emaili:libri@rks-gov.net. Ju siguroj se të gjitha ankesat do të shqyrtohen me kujdes”, ka shkruar ajo.
Ministria e Arsimit, Shkencës dhe Teknologjisë nuk ka arritur as këtë vit t’ua sigurojë fëmijëve tekstet shkollore, prandaj prindërit do të duhet të aplikojnë për subvencione./Prishtina Post/