Numri i rasteve të ngacmimeve, sulmeve e dhunës seksuale në vendin tonë ka marrë përmasa shqetësuese.
Në shumë raste viktima janë edhe vajzat e reja, të cilat keqpërdoren seksualisht nga persona të rritur. Kështu ndodhi së fundmi në një villë në Novobërdë, ku dyshohet se u dhunua një vajzë, raporton Gazeta PrishtinaPost.
Këtë herë, viktimë është një 19-vjeçare, e cila raportoi se është dhunuar nga shoku i saj.
Siç ka mësuar PrishtinaPost, rasti ndodhi në një villë ku viktima, personi i dyshuar dhe shokë e shoqe të tjerë shkuan së bashku për të kaluar kohë.
Gjatë periudhës sa ata kanë qëndruar në villë, njëri prej tyre po dyshohet se ka kryer marrëdhënie seksuale me viktimën, pa dëshirën e saj.Bazuar në dëshminë e vajzës dhe rrëfimit që e ka dhënë, ajo dhe miqtë e saj kishin shkuar të dehur atje, pasi fillimisht kanë qëndruar në një lokal në Gjilan.