Koci Jep Detajet e Fundit për Rastin e Faton Hajrizit: Çdo Informacion Po E Marrim me Rezervë të Madhe
Avokati Arianit Koci, i angazhuar nga familja e Faton Hajrizit për kthimin e trupit të tij në Kosovë, ka ofruar detaje të reja për situatën e ndërlikuar. Koci ka njoftuar se zyrtarët e Serbisë kanë kërkuar analiza shtesë për identifikimin e trupit të Faton Hajrizit, duke përfshirë pështymën e nënës dhe sekretin nga hunda për të analizuar lidhjen gjenetike.
Koci ka theksuar se ky kërkesë është vonuar dhe është e paarsyeshme në këtë fazë të procesit. Ai ka deklaruar: “Sot pasdite, policia serbe ka kërkuar që të merret pështymë dhe sekret nga hunda e nënës së Fatonit, pasi disa të dhëna nuk përputhen. Po ashtu, ata përmendën edhe shenjat e gishtërinjve.”
Kur është pyetur nëse e konsideron të mbyllur çështjen e identifikimit të personit të vrarë në Serbi si Faton Hajrizit, Koci ka thënë se situata është komplekse dhe e pasigurt. Ai ka shtuar: “Situata momentale është shumë komplekse. Ka një tension dhe nuk është ende e qartë. Prandaj, çdo informacion po e marrim me një rezervë të madhe.”
Për më tepër, Koci ka kërkuar që nëna e të ndjerit të shohë kufomën, por është informuar nga zyrtari policor se kufoma është e mbyllur hermetikisht dhe në një gjendje të dobët. Koci ka përfunduar: “Kur më thanë që nëna e Faton Hajrizit duhet të vijë, kërkova që ajo të ketë mundësinë të shohë kufomën, por më u tha se kufoma është e mbyllur hermetikisht dhe nuk është në gjendje të mirë.”