Kosovo Police KLSP – Lagjja e Spitalit
Lagjja MAT
Inspektorati i Kryeqyteti
Të nderuar, Ka disa netë që banorët e lagjes po TORTUROHEN nga papërgjegjësia e disa individëve me motor, zhurma e të cilëve është përtej normales!
Gjithashtu ende vazhdon TORTURA nga kafenetë poshtë ndërtesave, me ndotje akustike nga zëri i lartë i muzikës!
Sipas ligjit: Ligji Nr. 03/L-142 LIGJI PËR RENDIN DHE QETËSINЁ PUBLIKE, sanksionohet qartësisht kjo kundërvajtje:
Neni 8 Bezdisjet Publike– Shkeljet që kanë të bëjnë me zhurmën 1. Kushdo që shkakton zhurmë të pa nevojshme dhe të padurueshme që dëgjohet të banorët për rreth apo në rrugë dhe që shqetësojnë personat tjerë nga ora 22:00 e deri në orën 07:00 gjatë ditëve të javës dhe prej orës 23:00 e deri ne orën 07:00 të shtunave dhe të dielave, dënohet për kundërvajtje.
2. Nëse kundërvajtjet nga paragrafët 1 të këtij neni janë kryer nga personi fizik, ai /ajo dënohet me gjobë prej tridhjetë (30) deri pesëqind (500) Euro.
3. Nëse kundërvajtjet e parapara në paragrafin 1 të këtij neni janë kryer nga pronari ose personi përgjegjës i një subjekti juridik, ai/ajo dënohet me gjobë prej njëqindepesëdhjetë (150) deri shtatëqind (700) Euro.
Reagoni ju lutem, identifikoni dhe gjobisin të njëjtit! Mos na detyroni të PROTESTOJMË para stacionit policor për këtë çështje!/Thot Dren Shahini admin i grupit banorët e lagjes Mati/Transmeton Prishtina Post