Presidenti amerikan Joe Biden tha se vdekja e liderit të Hezbollahut, Hassan Nasrallah është një “masë drejtësie për viktimat e tij të shumta”, duke përfshirë amerikanët, ndërsa bëri thirrje për de-përshkallëzimin e konflikteve në Lindjen e Mesme, raporton CNN.
Në një deklaratë, Biden tha se ShBA-ja “mbështet plotësisht të drejtën e Izraelit për të mbrojtur veten kundër Hezbollahut, Hamasit, Houthis dhe çdo grupi tjetër terrorist të mbështetur nga Irani”.
“Në fund të fundit, qëllimi ynë është të de-përshkallëzojmë konfliktet e vazhdueshme në Gaza dhe Liban përmes mjeteve diplomatike”,tha presidenti.
“Në Gaza, ne kemi ndjekur një marrëveshje të mbështetur nga Këshilli i Sigurimit i OKB-së për një armëpushim dhe lirimin e pengjeve. Në Liban, ne kemi negociuar një marrëveshje që do t’i kthente njerëzit të sigurt në shtëpitë e tyre në Izrael dhe Libanin jugor.
Është koha që këto marrëveshje të mbyllen, që kërcënimet ndaj Izraelit të hiqen dhe që rajoni më i gjerë i Lindjes së Mesme të fitojë stabilitet më të madh”, vazhdoi ai.
