BE-ja me investim 5.2 milionësh për ujë të pastër në Mitrovicë

Bashkimi Evropian po investon 5.2 milionë euro për ndërtimin e një impianti të trajtimit të ujërave të ndotura në Mitrovicën e Jugut, me mbështetjen e Kornizës së Investimeve për Ballkanin Perëndimor.

Sipas njoftimit, ky projekt konsiderohet si hap i rëndësishëm drejt një mjedisi më të pastër dhe të qëndrueshëm.

“Në përputhje me Agjendën e Gjelbër të BE-së, impianti do të përmirësojë kushtet sanitare dhe cilësinë e ujit, duke sjellë përfitime për komunitetet e Mitrovicës së Jugut dhe Vushtrrisë”, ”, thuhet në njoftimin e zyres së BE-së në Kosovë.